A Banda de Cornetas, Gaitas e Tambores “Ría de Vigo” é a agrupación do C.S.C.R. de Beade que conta con menos tempo de vida. Nace con moita forza e cos maiores desexos de facerse cun posto moi alto dentro do panorama musical da terra. A súa primeira actuación tivo lugar coincidindo coa Festa dos Callos celebrada na parroquia de Beade en Abril de 1999, o que serviu de presentación cara a todos os asistentes: socios, veciños e foráneos achegados.

Dende a súa fundación, a Banda de Cornetas, Gaitas e Tambores “Ría de Vigo”, ven medrando en número de compoñentes, en instrumentación e por suposto en calidade.

No aspecto musical, cabe destacar deste grupo, a especial singularidade en canto a conxunción da súa instrumentación tan variada, formada por gaitas, cornetas, tambores, bombos, platillos e liras, o que forma unha agrupación non habitual na provincia de Pontevedra.

A partires de xa, esta agrupación agarda de moitas demandas de actuacións para poder encher de música i espectáculo as rúas da nosa comunidade, país, etc.

Na actualidade forman dita agrupación vinte compoñentes con idades que van dende os doce ata os cincuenta anos, demostrando unha vez máis, que as diferenzas nas datas de nacemento non son un atranco para formar un grupo compacto, homoxéneo e moi forte nos seus obxectivos.

Horarios de ensaio

Ensaian todos os mercores e venres de 20:00 a 21:00 h. nos locais da Asociacion de Veciños de Beade.