O grupo de gaitas “Arume” é unha seria conxunción de instrumentos musicais populares galegos arredor dunha nobre idea de conservar, difundir e humildemente ampliar a cultura musical do país dende a plataforma básica que supón unha entidade veciñal e cultural como a nosa, da viguesa parroquia de Beade.

Este grupo naceu conxuntamente con outras dúas agrupacións culturais, directamente relacionadas con el e que forman parte do seu traballo:

• Grupo de Baile “Semente da Arte Galega”: o ritmo e a vistosidade dos traxes galegos de gala e de faena.

• Grupo de Pandereteiras “A Volta do Demo”: a combinación da percusión e a voz feminina ensalzando o cantar ancestral do pobo.

Gaitas, tambores, bombos, pandeiretas e cunchas constitúen o abano de instrumentos empregados no proxecto e mantendo como norte a estética dos nosos clásicos gaiteiros (Soutelo de Montes, Os Morenos de Lavadores, Os campesiños de Vilagarcía, Ricardo Portela, Moxenas, ...). O director do grupo de gaitas “Arume”, D. Xosé Manuel Oliveira, é membro do grupo de música tradicional galega “Noitarega” e traballa respaldado por 30 almas con gañas de facer da música a mellor patria dos gaiteiros.

O redor de 30 persoas, de idades comprendidas entre os 6 e os 70 anos, forman o grupo actual. Dúas son as categorías nas que se divide a agrupación:

• Escola: onde os máis xóvenes comezan a dar os seus primeiros pasos dentro da música galega.

• Grupo Principal: onde os máis veteranos levan o nome de Beade polos escenarios nacionales, e aló das fronteiras onde se reclama a súa presenza, sumando infinidade de actuacións nos anos de existencia como agrupación.

Coas súas pezas (muiñeiras, ribeiranas, carballesas, piruxaldas, redondas, regueiras, fandangos, xotas, etc.) o grupo de gaitas “Arume” bebe das raíces máis tradicionais, reflectindo do xeito máis fel o bo facer e bailar popular.

Horarios de ensaio

Escola: os luns de 19:45 a 20:45 h.

Grupo Principal: os luns de 20:45 a 22:00 h