Fin de semana moi importante para a sección de atletismo do C.S.C.R. de Beade.
Xoel Franco viaxou ata Xixón (Asturias) para competir no Campionato de España Sub-16 en Pista.
Celebrado os días 12 e 13 de xullo nas Pistas de Atletismo de las Mestas, a xoven promesa proclamouse campión de España na proba dos 1.000 m.
A primeira xornada foi moi productiva, dado que acadou un posto para a gran final que tería lugar ao día seguinte.
O rapaz foi quen de xestionar á perfección os ritmos para non sufrir desgaste na final.
A segunda xornada, que tivo lugar o domingo 13 de xullo, no treito final da proba comezou a separarse do pelotón, aínda que tendo ao seu carón o rapaz co que loitaría a victoria.
Moitos parabéns, Xoel! Que continúe a aprendizaxe!
Agradecementos fotografía: Fito
