A A.V.C.U. – C.S.C.R. de Beade presenta a programación da “Cereixa de auga” do mes de xaneiro de 2025, na que destaca a chegada dos Reis Magos, o “Concerto de aninovo” da Orquestra Kv2211 e o Festival de danza que reunirá preto de 200 bailaríns de todas as idades.
O 2025 será inaugurado coa chegada dos “Reis Magos” a Beade o venres 3 de xaneiro. Comezarán realizando un percorrido pola parroquia ás 16:00H., onde visitarán os 8 barrios que a compoñen para achegar a ilusión a cativos e maiores.
Unha vez finalizado o treito serán recibidos na A.V.C.U. – C.S.C.R. pola Banda de cornetas, gaitas e tambores “Ría de Vigo”.
No ámbito artístico, José Miranda achegará as súas creacións mediante a exposición “Paisaxes recortadas”, unha mostra que dará comezo o 7 de xaneiro e rematará o 7 de febreiro.
Seguidamente, o C.S.C.R. de Beade comezará a actividade musical co tradicional “Concerto de Aninovo” da Kv2211 – Orquestra Infantil e Xuvenil de Vigo, estando programado para o sábado 11 de xaneiro ás 19:00H no Auditorio do C.S.C.R. de Beade.
Finalmente, o “Festival de danza” será quen de reunir o domingo 19 de xaneiro ás 18:00H no Auditorio do C.S.C.R. de Beade ao Grupo de baile moderno do C.S.C.R. de Beade, o Grupo de bachata do C.S.C.R. de Beade, Escuela de Baile Pasos Bailegalicia e Media Punta.
