A programación cultural da “Cereixa en flor” do mes de maio trae consigo as últimas tendencias da moda e a celebración do Día das Letras Galegas.
O sábado 4 de maio ás 19:00 h, a Asociación Xuvenil de Beade organiza, en colaboración da A.V.C.U. – C.S.C.R. de Beade, “Beade en pasarela”, un desfile de moda que busca recuperar as raíces dos eventos celebrados a finais dos anos 1990 e comezos dos 2000 na nosa parroquia.
85 modelos de idades comprendidas entre os 2 meses e os 87 anos percorrerán a pasarela para 11 casas comerciais.
O acto contará con colaboracións especiais de empresas da parroquia e fóra dela.
Por outra banda, o 17 de maio ás 19:00 h terá lugar o “18º Festival do Días das Letras Galegas 2024”, ofrecendo os concertos da Masa Coral do C.S.C.R. de Beade, Coral Polifónica Voces do Torreiro de Coia, Coral Polifónica da A.V.C.R. San Mamede de Zamáns, Coral Polifónica Ars Vocalis do C.C.A.R. Rueiro de Coia, Coral Polifónica María Auxiliadora e Coral Polifónica O Coto do Carballal.
Finalmente, a Sala de Exposicións do C.S.C.R. de Beade continúa ofrecendo ao público a mostra dos carteis concursantes da “XXXVII Feira – Festa da Cereixa”, exposición onde os visitantes poderán outorgar, a través dos seus votos, 3 mencións especiais a aquelas obras que máis lle impresionen artística e visualmente.
