A A.V.C.U. – C.S.C.R. de Beade recibe a máxica visita dos Reis Magos de Oriente o venres 3 de xaneiro.
Organizado pola Asociación Xuvenil de Beade en colaboración da A.V.C.U. – C.S.C.R. de Beade, ás 16:00H sairá do Centro Cultural de Beade a cabalgata coas Súas Maxestades os Reis Magos de Oriente, acompañados de seus respectivos paxes.
O percorrido da cabalgata será: Centro Cultural de Beade / Estrada da Coutada / Camiño Facho / Rúa Pouleira / Rúa do Couto / Rúa Lagoa / Camiño da Brea / Camiño das Relfas / Rúa Saa / Rúa do Seixo / Parada no Centro de Día Xoaniña / Estrada da Venda / Estrada do Porto / Parada en Alvi Beade / Camiño Goaldino / Camiño das Presas / Rúa Castañal / Estrada do Porto-Parada en Residencial Dori / Estrada Coutada / Parada en Residencia a Palmera / Centro Cultural de Beade.
Ao remate da cabalgata, terá lugar no Centro Cultural de Beade a recepción por parte das Súas Maxestades os Reis Magos de Oriente, que contará coa música da Banda de cornetas, gaitas e tambores “Ría de Vigo”.
A cativada poderá redactar as súas cartas e haberá barra con chocolate con churros e bebidas.
Non faltedes! Agardámosvos a todos!
