A A.V.C.U. – C.S.C.R. de Beade retoma a programación cultural da «Cereixa de auga» con actividades asociadas á época do Nadal.
O derradeiro mes do ano será inaugurado pola “Exposición colectiva do Nadal”, mostra que durará ata o 31 de decembro estando protagonizada polos artistas: Antonio Abalde; Antonio Feijóo; Blauman; Carolina Avendaño; Diana Cordero; Gonzalo Sellés; Jack Andriano; Jose Miranda; Menchu Abril; Rafael Ambel; Roberto Paredes; Rosa Isabel, Tania Ulloa e Uma.
O enfoque musical virá da man do “Festival de corais”, un acto no que intervendrán a Masa Coral do C.S.C.R. de Beade, a Coral Polifónica do Colexio da Avogacía de Vigo e a Coral Polifónica da A.V.C.D. de Cabral. O evento está programado para o 15 de decembro ás 18:00H. no Auditorio do C.S.C.R. de Beade.
Continuando coa música, o C.S.C.R. de Beade acollerá o 21 de decembro o “Concerto do Nadal” organizado pola Banda – Escola de Música de Beade, dando comezo ás 19:00H. no Auditorio do C.S.C.R. de Beade.
A “Visita de Papá Noel” marcará o treito final deste ano 2024, onde a rapazolada de Beade poderá trasladarlle os seus desexos e entregarlle as súas cartas. O acto, organizado pola Asociación Xuvenil de Beade en colaboración da A.V.C.U. – C.S.C.R. de Beade, contará ademais cunha serie de talleres. Esta visita tan especial terá lugar o 22 de decembro ás 17:00H. nas instalacións da A.V.C.U. – C.S.C.R. de Beade.
