Primeira.- Obxecto
A A.V.C.U. – C.S.C.R. de Beade convoca o concurso de carteis da “XXXVIII Feira – Festa da Cereixa”, tendo como bases as que se detallan a continuación:
- Poderán participar neste concurso todos os xóvenes entre 8 e 16 anos que pertenzan á parroquia ou colexios e Instituto de Beade, así como os que non sendo dela, son socios ou fillos de socios da A.V.C.U. – C.S.C.R. de Beade.
- Trátase coma tema debuxar un cartel da “XXXVIII Feira – Festa da Cereixa” coa temática de dita froita.
- En cada traballo será obrigatorio poñer o título da festividade “XXXVIII Feira – Festa da Cereixa” e a data “7 e 8 de xuño de 2025”.
- A técnica do debuxo será libre, quedando á elección dos participantes, coa única limitación do seu tamaño: A3 e debuxado en “dirección vertical”.
- No reverso do cartel deberán figurar os datos persoais do autor e, no seu caso, o curso e colexio ao que pertence.
- A data tope de presentación dos traballos será o luns 19 de maio ás 21H.
- Todos os carteis presentados comezarán a estar expostos ao público na Sala de exposicións do Centro Cultural desde o martes 20 de maio.
Segunda.- Premios
Os premios establecidos para este concurso serán os seguintes:
- Cartel gañador: un agasallo.
- 2º premio: un agasallo.
- 3º premio: un agasallo.
- “Accésit” premio mención especial do público: un agasallo.
Terceira.- Composición do xurado e criterios de valoración
Os criterios de avaliación do concurso estarán determinados por un xurado composto por persoas vinculadas ás artes creativas e cultura.
Cuarta.- Resolución do concurso
A decisión do xurado farase pública no seu momento por este Centro Cultural a través das súas canles de divulgación.
Unha vez publicada a resolución, a A.V.C.U. – C.S.C.R. de Beade porase en contacto co colexio / instituto / premiado para comunicarlle a data e lugar onde se realizará a entrega de premios.
Quinta.- Premio mención especial do público
Coa fin de facer partícipe á cidadanía, os visitantes poderán votar por aquel cartel que máis lle impresione visual, artística e tecnicamente.
A creación que acade a maior puntuación levará unha mención especial do público, facéndose pública no seu momento por este Centro Cultural a través das súas canles de divulgación.
Beade – Vigo, a 11 de abril de 2025
A XUNTA DIRECTIVA
