Coa inminente chegada da primaveira, a A.V.C.U. – C.S.C.R. de Beade retoma a actividade cultural da “Cereixa en flor” nun mes de marzo que terá como gran protagonista á muller.
O grupo musical “ARRORRÓ”, formación composta polos oito alumnos da clase de Conxunto Instrumental 5 da ETRAD, será quen abra a programación cun concerto que terá lugar o mércores 6 de marzo ás 20:00h no Auditorio do Centro Cultural de Beade.
Ao día seguinte, isto é, xoves 7 de marzo, se recibirá a visita da Asociación Española Contra o Cancro para realizar a charla que leva por título “Cancro na muller: tumores máis frecuentes”, sendo impartida polo doutor Alberto Garrido.
Con entrada libre e dando comezo ás 19:00h, se solicita ás interesadas e interesados en acudir ao acto que se inscriban previamente a través do correo electrónico da A.V.C.U. – C.S.C.R. de Beade (info@av-beade.org) ou mediante os teléfonos 986.210.967 / 986.210.958 / 650.441.875
Seguidamente, o sábado 9 de marzo ás 18:00h se conmemorará o “Día Internacional da Muller” cunha gala solidaria a favor da Asociación Española Contra o Cancro, na que estarán presentes o Grupo de baile moderno do C.S.C.R. de Beade, Pasión Flamenca e Fausto Tenor.
Finalmente, a Banda Escola de Música de Beade porá a banda sonora da floración estacional co “Concerto da cerdeira en flor”, programado para o sábado 23 de marzo ás 19:00h.
