Fin de semana de grandes novas para os nosos atletas que se desprazaron ata Ourense.
Comezamos o resumo co acaecido durante a xornada do sábado 8 de marzo, tendo lugar o XX Campionato Xunta de Galicia de Atletismo Sub12 – XXV Sub10 en Pista Curta.
Destaca o nome de Fernanda Mateo, que ven de proclaramarse campioa galega nos 500 m. Mulleres Sub-12 e subcampioa na Lonxitude Mulleres Sub-12 con MMP en ambas probas.
Así mesmo, son reseñables as actuacións de Antón Fuentes nos 1.000 m. e na altura, Alejandro González nos 1.000 m., Darío Fernández no peso, Allie Cellerino nos 50 m. e na lonxitude, Carmela Sanromán nos 50 m. e na lonxitude, Sara Rosales nos 500 m., Noa Lago nos 500 m., Aitana González nos 60 m., Clara Lago na altura, Valeria Sende nos 60 m., Deva Pallás nos 1.000 m., Xulia Vázquez na lonxitude, Clara Roca nos 1.000 m., Sara Conde nos 1.000 m., Cíes Rial na lonxitude, María Costas na lonxitude, acadando todos eles MMP.
En canto á xornada do domingo 9 de marzo, o XXII Campionato Xunta de Galicia de Atletismo Sub14 en Pista Curta déixanos a Candela Alonso como campioa galega na altura e MMP na proba.
Ademais, contamos coas importantes actuacións de Irene Burgos e Xoana Silva, que remataron primeiras nos 2.000 m. Mulleres B e 1.000 m. Mulleres C respectivamente e as MMP de Candela Alonso e Camino Gil na lonxitude.
Parabéns a todas/os as/os atletas que participaron. Que continúe a aprendizaxe!
